ROXAS CITY – Wala napunggan sang Capizeña athlete nga magtulo ang luha matapos makuha ang pinakauna nga bulawan nga medalya sang Capiz nga kalakip sa delegasyon sang Region 6 sa Palarong Pambansa 2019 sa Davao City sa 100-meter hurdles, elementary girls category.
Sa exclusive interview sang Bombo Radyo Roxas kay Jasmin Jamellarin sang Barangay Pasul-o, Jamindan, Capiz, ginpahayag sini nga dream come true sa iya nga malakip sa delegasyon sang Region 6 kag makuha ang ginahandum nga gold medal.
Gin-ako sang atleta nga handum sini sadto pa nga makakuha sang bulawan nga medalya rason nga gin-ayuhan sini ang training kag nangin madinalag-on.
Nagserbe nga inspirasyon ni Jasmin ang mga ginikanan sini nga tuman ang suporta sa iya.
Nahibaluan nga ikaduha sa apat ka mag-utod si Jasmin nga nagbutho sang elementarya sa Lucero Elementary School sa banwa sang Jamindan, Capiz.
