ROXAS CITY – Linibo ka mga residente sa Capiz ang nakigbahin sa One Million Trees in One Day project sang provincial government nga ginpatigayon sa magkatuhay nga lugar sa probinsiya sang Capiz.
Ang tree planting activity gintawag nga One in One Project kag gindeklara ni Governor Antonio del Rosario bilang Provincial Arbor Day sa tagsa ka June 25 kada tuig.
Tinutuyo sang aktibidad nga mag-isa ang mga Capizeño kag magbuligay agud maprotektahan ang palibot, mabalik ang forest covered kag mabatuan ang climate change.
Sa interview sang Bombo Radyo Roxas kay Governor Antonio del Rosario, malipayon kay kuntento ini bangud sa positibo nga pagbaton sang mga Capizeño sa greening initiative sang gobyerno probinsiyal sa diin tanan ang naghatag snag suporta kag nagtanum sang 1 million seedlings.
Kalakip sa mga top donors sang mga seedlings amo ang DENR-PENRO-Capiz kag pila ka ahensiya sang gobyerno.
Samtang nakita man ang partisipasyon sang mga estudyante, empleyado sang gobyerno, PNP, BFP, religious, volunteer kag private groups .
