CapSU nagapabilin nga virtual ang pagpatigayon sang graduation

ROXAS CITY – Magapabilin nga virtual ang pagpatigayon sang Capiz State University (CapSU) sang ila graduation sa siyam ka mga campus sini.

Ini ang ginkumpirmar ni Dr. Editha C. Alfon, CapSU President sang mainterview sang Bombo Radyo.

Suno kay Alfon, ba-se sa nangin hinun-anon sang academic kag administrarive council, na desisyunan nga ipaiway na lang ang face-to-face graduation sa amu nga buluthuan.

Ginpahayag sini, nga indi nila masugal ang ikaayong lawas sang mga estudyante, manunudlo kag ginikanan nga magatambong.

Magluwas pa diri, wala pa sang lugar nga sarang maakomodar ang masobra 3,000 ka mga estudyante kag indi ma-obesrbar ang social distancing.

Samtang, wala pa nadesisyunan kun magabalik na sa face-to-face classes ang CapSU.