Nabatian na naman ang national anthem nga “Lupang Hinirang” kag napasaka na naman sang hayahay sang Pilipinas sa 2025 Artistic Gymnastics Asian Championships sa South Korea.
Ini matapos nagpangibabaw ang Filipino superstar gymnast nga si Carlos Edriel Yulo sa floor exercise finals — ang iya pet event kun sa diin nagdaog man siya anay sang gold medal sa Paris Olympics sang 2024.
Naka-skor si Yulo sang 14.600 points. Ginsundan siya ni Milad Karimi sang Kazakhstan nga may 14.400 points kag Moon Geonyoung sang South Korea nga may 14.033.
Ini na ang ikaapat nga sunod-sunod nga tuig nga gold medalist si Yulo sa floor exercise matapos nga nagpangibabaw man sa 2022, 2023, kag 2024 editions.
Antes sini, matandaan nga na-secure sang Filipino gymnast ang bronze medal sa men’s all-around event sa amo man nga tournament sang nagligad nga adlaw.
Sa still rings finals nga ginpatigayon subong adlaw, nag-compete man si Yulo apang nagpang-pito lamang nga may 13.233 points.
Kuwalipikado man ang Filipino golden boy sa vault, horizontal bar, kag parallel bars finals nga balantayan buwas, Hunyo 8.
