Nakatalana nga maga-atubang kay Presidente Ferdinand Marcos Jr. si double olympic gold medalist Carlos Yulo kag ang iban pa nga Filipino olympians sa Malacanang sa palaabuton nga Martes, August 13, 2024.
Maga-abot ang grupo ni Yulo sa Martes sang hapon sa Villamor Air Base kun sa diin paga-sugaton sila sang ila tagsa-tagsa ka mga pamilya.
Suno sa Presidential Communications Office, pagahatagan sang heroes parade ang mga atleta nga magasugod sa PICC sa Pasay City kun sa diin paga-agyan ang pila ka mga lugar sa Maynila kag magatapos sa Malakanyang.
Pag-abot sa Malacanang, pagasugaton ni Presidente Marcos, First Lady Liza Araneta Marcos kag First Family ang mga atleta kun sa diin hatagan sila sang pagkilala kag insentibo para sa ila mga kontribusyon sa Philippine sports kag nangin performance sa 2024 Paris Olympics.
