Nagsaka sa $2.99 bilyon sang Hunyo ang cash remittances nagikan sa mga overseas Filipinos suno sa Bangko Sentral ng Pilipinas (BSP) sang Biyernes.
Nagsaka sa $2.99 bilyon sang Hunyo ang cash remittances nagikan sa mga overseas Filipinos suno sa Bangko Sentral ng Pilipinas (BSP) sang Biyernes.
Suno sa BSP, mas mataas ini sang 3.7% kun ipaanggid sa $2.88 bilyon sang Hunyo sang tinalikdan nga tuig.
Ginsiling sang central bank nga ang mga land-based overseas workers ang nagpadala sang $2.43 bilyon pamaagi sa mga bangko sang Hunyo, samtang ang mga sea-based workers man ang nag-amot sang $555 milyon.
Kadam-an sa mga remittance sang Hunyo ang nagikan sa Estados Unidos, nga ginsundan sang Singapore kag Saudi Arabia.
Para sa una nga anom ka bulan sang tuig, naglab-ot sa $16.75 bilyon ang cash remittances, nga nagtaas sang 3.1 porsyento kun ipaanggid sa kasubong nga panahon sang tinalikdan nga tuig.
Samtang, ang personal remittances nagsaka man sa $3.33 bilyon, nga may 3.1 porsyento nga pagtaas halin sa $3.21 bilyon sang kasubong nga bulan sang tinalikdan nga tuig.
Ang Pilipinas ang isa sa mga pinakadako nga nagbaton sang remittances. Ang kwarta nga ginapadala sang mga overseas Filipinos ang nagabulig sa pagpadabong sang domestic consumption kag nagapakusog sang pagdabong sang ekonomiya.
Suno sa Philippine Statistics Authority, ang household consumption nagsaka sang 5.5 porsyento sang second quarter sang 2025.
