Nagpanawagan si House Deputy Minority Leader kag ACT Teachers Party-list Representative France Castro sang isa ka komprehensibo nga imbestigasyon agut sa nabalita nga mga anomalya sa Department of Education (DepEd) sa idalom sang pagpamuno ni Vice President Sara Duterte.
Ang ginhinyo nga imbestigasyon ni Castro ang kasunod sang ginbuyagyag sang anay kag sa karon nga opisyal sang DepEd nga nakabaton sila sang envelope nga may unod nga kwarta halin kay Duterte kag ang kuwestyunable nga paggamit sang confidential funds.
“The allegations of cash gifts and misuse of funds at DepEd are deeply troubling and demand a thorough investigation. It is crucial to uphold integrity and transparency in our education system, which is fundamental to the development of our youth,” pahayag ni Castro.
Pahayag ni Gloria Mercado nga bulanan ini nga nakabaton sang envelope nga may unod nga tig-P50,000 sang nangin Head of Procuring Entity (HoPE) sang DepEd.
Suno naman kay anay DepEd Bids and Awards Committee (BAC) Chairperson Resty Osias nakabaton man ini sang mga sobre nga may unod nga P12,000 tubtob P15,000.
“The education sector is already grappling with significant issues, including the perennial shortage of classrooms. Instead of addressing these challenges, the alleged corruption further undermines the quality of education that Filipino students deserve,” dugang pa ni Castro.
Nanawagan si Castro sa iya mga kapwa mamalidha nga suportahan ang ginaduso sini nga imbestigasyon.
Suno sa Makabayan bloc lawmaker dapat maghiliusa ang tanan agud mapanabat ang Bise Presidente.
