Nagpanawagan ang Catholic Bishops’ Conference of the Philippines (CBCP) sa publiko nga magsuksok sang puti kada Domingo kag mag-display sang puti nga ribbons sa pampubliko nga lugar bilang pagpakita sang purity kag unity sa tunga sang mga kalamidad kag isyu sa gobyerno nga nagaapekto sa pungsod.
Sa circular, nagpangabay si CBCP President and Caloocan Bishop Pablo Virgilio David nga magsuksok sang puti nga panapton kada Domingo sang Oktubre kag Nobyembre.
Gina-engganyo man ang pag-display sang white ribbons sa mga simbahan kag panimalay.
Suno kay David, mas mayo gid nga sa kada Domingo, dumdumon ang “National Call to Prayer and Public Repentance.”
Dugang pa niya, ang pagpakita sang puti nga ribbons ang senyales sang transparency, accountability kag good governance.
