Naangkon sang Cleveland Cavaliers ang ika-31 nga kadalag-an subong nga season matapos patumbahon ang kuliyot nga Charlotte Hornets, sa score nga 115 – 105.
Gin-dominar sang Cavs ang nangin hampang sa pihak sang limitado nga minutos nga ginhampang sang mga star player sini.
Sa pagtakop sang hampang, nagkamada si Darius Garland sang 25 points, 19 points kay Donovan Mitchell, 19 points, 11 rebs kay Jarett Allen, kag 17 points kay Evan Mobley.
Ang mga nasambit nga player ang naghampang lamang sa limitado nga oras ukon mas manubo sa 30 mins.
Nauyang naman ang tig-24 points nga ginpasulod sang duwa ka Charlotte guard nga sanday LaMelo Ball kag Brandon Miller.
Liwat nga gin-dominar sang Cavs ang paint area kaangay nalang sang mga nakaligad sini nga hapang kun sa diin 48 diri sa kabug-usan sini nga 115 points ang ginhimo sa idalom sang paint.
Liwat man nga ginpakita sang Cavs ang maayo nga team play matapos ini nga nagkamada sang 29 assists.
Napabilin sang Cavs ang apat lamang nga piyerde sa sulod na sang pila ka semana kun sa diin nahimo sini nga mangin madinalag-on ang ulihi nga pulo ka hampang.
Sa bahin naman sang Hornets, ini na ang ika-27 nga kapiyerdihan sini samtang nagapabilin naman sa pito ang nadaugan sini nga hampang.
