Ginkasal na ang celebrity couple nga sanday Kim Molina kag Jerald Napoles sa isa ka beach wedding sa Bohol.
Sa isa ka Facebook post, ginpaambit ni Kim ang isa ka clip sang iya kaugalingon nga nagalakat sa aisle, upod ang iya emosyonal nga mga ginikanan samtang ginadala nila siya sa seremonya.
Ginpakita man sang mag-asawa ang ila comedy side sa bahin sang reception.
Sa isa sa mga video clip nga gin-share sang actor nga si Kristoffer Martin, una nga nagpakita si Kim upod sa isa pa ka Jerald nga si Gerald Anderson samtang si Jerald naman nagpakita upod sa isa pa ka Kim nga si Kim Atienza, nga isa man sa ila mga padrino.
Antes ang ila kasal, ginpakita man sanday Kim kag Jerald ang underwater-themed pre-wedding film nga may titulo nga “A Mermaid’s Dream,” nga gin-shoot man sa Bohol.
Suno kay Kim, ang iya ikog nga sirena ang may design nga nagasanto sa iya tattoo nga may pangalan nga Hiraya.
Matandaan nga natabo ang engagement sang duha sang Agosto 11, 2024 sa PETA Theatre Center sa Quezon City, sa diin nagsugod ang ila relasyon sang masobra isa na ka dekada ang nakaligad.
