Magkahalo nga excitement kag kabalaka ang nabatyagan sang isa ka awardee sang Search for Ten Outstanding Students of Capiz-Tertiary Category sa probinsya sang Capiz.
Suno kay Ms. Danica Rose T. Bernal, awardee sag nasambit nga search, ginpahayag nga isa ka fulfilling journey ang iya nga naeksperyensyahan sa pagpaskop sa amu nga search.
Dugang pa sini, apisar nga sya ang pinaka-late nga nakasumiter sang bid-book kag pila pa ka mga requirements sang amu nga search, wala ini nag-untat kag nagpadayon lang bangud nga hugot ang pagpati sini nga kinahanglan i-materialized ang mga nagkalatun-an sini nga mga eksperyensya.
Nahibaluan nga isa sa butang nga nagtulod sa iya amu ang iya nga eksperyensya sa ASEAN Universities and Exhibit Forum nga may katuyuan nga magkaara sang connection ang mga kabataan sa Southeast Asia agud nga maka-contribute sa Sustainable Development Goals.
Si Ms. Danica Rose T. Bernal ang nagapati nga malayo kag dako nga mga oportunidad ang maagum sang isa ka disiplinado kag determinado nga persona.
Samtang, nagpalab-ot naman ini sang pagpasalamat sa mga tawo nga yara sa likod sang iya napagkit nga kadalag-an.
