Nakabulig ang showbiz sa former actor kag model nga si Atty. Luke Jickain agud nga makadesisyon nga magsulod sa law school.
Si Atty. Luke ang isa sa 5,594 examinees nga nakapasar sa 2025 Bar Examinations.
Sa exclusive interview sang Bombo Radyo kay Atty. Luke, iya ginpahayag nga pinaagi sa showbiz, nakit-an niya ang nagkalain-lain nga tawo kag na-realize, nga madamo ang mga nagakinhaanglan sang bulig kag hustisya.
Suno sa iya, bilang actor, ini ang nagtudlo sa iya sang memorization, kumpyansa sa kaugalingon kag maathag nga makapabutyag sang balatyagon nga nakabulig sa iya sa law school kag nakabulig man sa iya agud mangin isa ka abogado.
Si Luke ang kilala bilang isa ka real-life inspiration sang character nga “Josh Zuñiga” sa pelikula nga “Bar Boys” kag sang Manila Film Festival 2025 entry nga “Bar Boys: After School”, nga nagapakita sang kabudlay sang mga law students.
