May posibilidad nga baklon sang kilala nga negosyante kag anay Ilocos Sur Governor Chavit Singson ang Miss Universe Organization (MUO) sa pihak sang mga kontrobersiya nga gina-atubang sini.
Sa isa ka press conference sang Lunes, Disyembre 22, 2025, sa iya mansyon sa Quezon City, gin-anunsyo sang anay gobernador nga magasapol sila sang iya anak nga si Richelle sa mga anay opisyal sang MUO nga sanday Paula Shugart kag Shawn McClain, agud istoryahan ang posibilidad nga mabakal ang prestihiyoso nga pageant sa Enero 2062.
Suno kay Chavit, indi mabaligya ang MUO, apang handa ini nga magtanyag nga baklon ini kag masalbar sa pagkarumpag bangud sa mga kontrobersiya nga nagalibot diri.
Nahibaluan ang MUO ginapanag-iyahan sang JKN Global Group sang Thailand kag sang Legacy Holding Group sang Mexico.
Dugang pa ni Chavit nga handa siya nga mapierde liwat sa sini nga proyekto basta makabenepisyo ang Pilipinas, ilabi na sa bahin sang turismo kag foreign investment.
