Malip-ot lang nga mensahe ang ginpaambit ni Atty. Zuleika Lopez, chief of staff ni Vice President Sara Duterte, matapos ang iya pagbisita sa Senado kahapon nga adlaw.
Sang ginpamangkot ini sang pila ka mga media kon ano ano rason kon ngaman nagpadulong ini sa senado nagsabat ini nga “Prepare for Typhoon Inday,”.
Wala ini naghatag sang dugang nga pahayag ukon nagsabat sa iban pa nga mga pamangkot sang media.
Natabo ang iya pagbisita pila ka adlaw antes ang iya natalana nga pag-atubang sa impeachment court sa masunod nga semana bilang witness sa impeachment trial ni Duterte.
Matandaan nga sang Miyerkules, gin-aprubahan sang impeachment court ang pag-issue sang subpoena batok kay Lopez agud piliton ini nga mag-atubang kag magtestigo may kaangtanan sa Articles of Impeachment sa gina-alegar pamahog sang Bise Presidente kay Presidente Ferdinand Marcos Jr., First Lady Liza Araneta-Marcos, kag anay House Speaker Martin Romualdez.
