Ginpahayag ni Defense Secretary Gilberto Teodoro nga may interes ang China nga magpanghilabot sa eleksyon sa Pilipinas.
“Yang China talagang may interest na pakialaman ang eleksyon dito dahil obvious na obvious ‘yan at nakikialam naman talaga yang mga yan kasi nasa DNA nila yan,” pahayag ni Teodoro sang ginpamangkot ini angut sa mga report nga tuyo sang China nga magpanghilabot sa eleksyon.
Sadtong Abril 24, ginpahayag ni National Security Council spokesperson Assistant Director General Jonathan Malaya sa isa ka komite sang Senado nga may mga palatandaan nga nagapanghilabot ang China sa midterm elections sang Pilipinas.
Samtang, ginpanginwala naman sang China ang mga alegasyon.
Sa isa ka press conference, ginpahayag ni Guo Jiakun, tagpamaba sang Chinese foreign ministry nga ginasunod sang China ang prinsipyo nga indi magpanghilabot sa mga internal nga isyu sang iban nga pungsod.
Suno naman kay Teodoro, ginapatigayon sang China ang ginatawag nga “united front works” kag ginsambit sini nga may opisyal nga ahensya pa ang Beijing para sa sini nga mga operasyon.
Dugang pa sini, ginahimo ini sang China pinaagi sa iligal, pilitay, agresibo, kag pagpatalang nga mga aksyon.
