Nagbilin sang paandam ang China bilang sabat sa mga plano sang depensa sang Pilipinas, partikular na ang pagkuha sang mga mid-range missile system kasubong sang Typhon MRC gikan sa Estados Unidos.
Gintawag sang China nga pag-atake ang pagdeploy sang mid-range missile system sa Pilipinas kaysa sa pagdepensa suno kay Ministry of Foreign Affairs spokesperson Mao Ning. Dugang pa sini nga ang pag-deploy sang Typhon MRC system sa Pilipinas ang nagabanta suno sa interes sang seguridad sang Tsina kag posible nga magtuga sang pagtaas sang tensyon sa rehiyon.
Ginganyat sini ang Pilipinas nga sundon ang ila mga promisa kasubong sang pagiging neutral kag likawan ang mga tikang nga mahimo makapalain sa interes sang Tsina.
Ang Typhon system, nga sarang maglunsyar sang pareho nga mga karaniwan nga nuclear warheads, ang ginpadala sa Pilipinas bilang kabahin sang mga pagtinguha sang pungsod agud pabaskugon ang depensa sini batuk sa nagabaskog nga presensya sang Tsina sa West Philippine Sea (WPS).
Ginakabig sang Pilipinas nga importante ang mga sistema nga ini agud maprotektahan ang soberanya sini, partikular sa exclusive economic zone (EEZ) kag agud suportahan ang Comprehensive Archipelagic Defense Concept (CADC). Apang, ginalantaw sang Tsina ang deployment sini bilang isa ka probokasyon nga mahimo magtuga sang arm race kag makalingaw sa kasulhayan sang rehiyon.
Ang tensyon ang nagikan man sa mga pag-ako sang Tsina sa halos buo nga WPS, kalakip ang mga porsyon sang EEZ sang Pilipinas sa pihak sang desisyon sang international arbitral sang 2016 nga nagbasura sa mga pag-ako sang Tsina, padayon naman ini nga nagasiling nga may kinamatarong sila nga sakupon ang teritoryo, rason masami nga nagakabanggaan sa mga sakayan nga pandagat sang Pilipinas.
Padayon naman ang paghatag sang paandam sang Pilipinas nga sundon ang international law, samtang pahayag naman sang Tsina nga bag-uhon sang Pilipinas ang ila kurso kag ayuson ang mga isyu pinaagi sang negosasyon.
Sa pihak sang mga ini, magkaiba ang posisyon sang duha ka pungsod, kun sa diin ginaganyat sang Tsina ang Pilipinas nga i-reconsider ang estratehiya sa depensa sini, samtang ang Pilipinas naman, naninindugan nga ang mga tikang sini sa depensa ang lehitimo kag nakabase sa pambansang interes.
