Naghatag sang mensahe si Chinese Ambassador to the Philippines Jing Quan para sa China kag Pilipinas kadungan sang Chinese New Year reception kagab-i.
Suno kay Jing, dapat magpangita sang pamaagi ang China kag Pilipinas nga ma-manage ang kinalain sang isa kag isa.
Apang padayon nga magasikway ang Beijing sa mga tawo nga nagapaguwa sang “false narratives” kag “misinformation” kasunod sang mainit nga tension sa tunga sang mga opisyal sang duha ka mga pungsod sa issue sang West Philippine Sea.
Pahayag niya, indi lang maghipos ang embahada sa mga ginaakusar sang pila ka mga Filipinos nga makaguba sang China.
Nagpasalig si Jing nga apisar sa mga kinalain, magapadayon ang China nga mag-expand sang kooperasyon sini sa Pilipinas.
“We cannot allow those misinformation to mislead the public or undermine bilateral relations. At the same time, we will continue expanding practical cooperation, using positive momentum to offset those noise until such distortions find no audience and no believers,” suno sa iya.
Wala ginhingadlan sang ambassador ang mga indibidwal nga iya ginatumod.
