-- ADVERTISEMENT --
Arestado sang Bureau of Immigration ang isa ka Chinese citizen sa NAIA Terminal 1 bangud sa alegasyon nga pagpangispiya kag pagpakuno-kuno nga Pilipino.
Ginpahayag nga ginpakilala sang suspek nga si Ronxuan Cai ang iya kaugalingon bilang “Peter Buenaobra Zhuang” kag naggamit sang Philippine passport sa iya pagbyahe.
Nakuha man sa iya ang iban pagid nga dokumento kaangay sang driver’s license, birth certificate kag marriage certificate sa idalom sang Pinoy nga ngalan.
Ginakabalak-an nga may kaangtanan siya sa mga Chinese organization sa pungsod kag posible nga konektado sa nagligad nga kaso sang espionage sa Palawan.
