-- ADVERTISEMENT --
ROXAS CITY– Ginkompirmar sang Regional Director sang Securities and Exchange Commission (SEC) nga isa ka sahi sang investment scam kag illegal ang double your money investment scheme sang Chiyuto Creative Wealth Document Facilitation Services sang CEO nga si Doc Patroceño Don Chiyuto.

Sa interview sang Bombo Radyo sa kay Atty. Russel Ildesa, Regional Director sang Securities and Exchange Commission Region 6 ginpahayag sini nga wala nakarehistro ang nasambit nga kompaniya ni Chiyuto sa SEC rasun nga iligal ang operasyon sini.

Ginpahayag ni Ildesa nga ang modus sin amo ang pagganyat sang mga investors kabaylo sang 100 porsyento nga return of investment ukon madoble ang gin-invest nga kantidad sa sulod sang 30 days.

Gindugang pa sini nga sa una gid lamang ini makahatag sang pay-out kag mangindulaan man sa ulihe.

Ginbuyagyag man ni Ildesa nga wala sang authority to operate gikan sa ahensiya ang amo nga kompaniya sa pihak nga may yara ini sang dokumento gikan sa Department of Trade and Industry (DTI).

Ginpahayag man sini nga mahimo sa guihapon nga mapasakaan ini sang panombongon sa pihak wala pa ini sang complainant.

Samtang gintugyan na sang pamunuan sang ahensiya sa Natioanal Bureau of Investigations  (NBI) ang nasambit nga double your money scheme para sa nagakaigo nga imbestigasyon.

Mahibaluan nga naka-red flag na ang nasambit nga investment scheme sa SEC.

RELATED ARTICLESMORE FROM AUTHOR