Ginrekomenda sang Criminal Investigation and Detection Group ang pagpasaka sang reklamo bangud sa ginaalegar paglapas sa Republic Act No. 11053, ukon Anti-Hazing Act, batok sa 11 ka mga indibidwal may kaangtanan sa pagkalumos sang duha ka Ateneo de Manila University student-athletes sang team-building activity sa Aurora.
Ginpresentar sa isa ka press briefing san ang mga ginarekomendar nga mga respondents sang CIDG nga ginkalakipan nanday:
Tab Baldwin, head coach
Grant Dearns, strength and conditioning coach
Caesar Vincent Javellana Elumba, strength and conditioning coach
Dean Caesar B. Castaño, assistant coach
Sandro Nicholas Romero Soriano, assistant coach
Reynaldo C. Jacinto Jr., assistant coach
Paolo Manuel Maceda Adevoso, student manager
Andrew Lorenzo Bondoc Salud, student manager
John Eric Quiambao Rueca, physical therapist
Aris Ramos Pronce, utility/ball boy
Joel Palmiano Rapa, utility/ball boy
Ginpaghayag ni Interior and Local Government Secretary Jonvic Remulla nga ang rekomendasyon igapasa sa Department of Justice, nga magadeterminar kun may yara sang probable cause kag kun ano nga mga kaso ang dapat nga ipasaka.
Suno naman kay Assistant Secretary Brian Mey R. Tomas, natukiban sang mga imbestigador nga ang mga student-athletes ang ginaalegar nga nagpaidalom sa intense physical activity, punishment training, kag sea training sang Hunyo 8.
