Naghingyo ang Criminal Investigation and Detection Group (CIDG) sang issuance sang Interpol red notice batuk sa negosyante nga si Atong Ang kasunod sang arrest warrants batuk sa iya may kaangtanan sa kaso sang missing nga mga manugbulang.
Suno kay CIDG chief Police Major General Robert Alexander Morico II, apisar nga sa monitoring sang talatapan, yara pa sa pungsod si Ang, nag-request na sila sa National Central Bureau Manila sang Interpol red notice.
Ini sa tion nga magbiya sa Pilipinas si Ang agud nga ang mga otoridad sa iban nga pungsod kag Interpol members ang makadakop sa iya.
Nahibaluan nga ang red notioce amo ang request sa law enforcement sa bilog nga kalibutan nga pangitaon kag dakpon ang isa ka tawo nga may salabton sa layi.
Gin-athag sang Interpol nga ang red notice ang indi makabig nga international arrest warrant.
Gin-anunsyo man ni Department of the Interior and Local Government Secretary Jonvic Remulla ang P10 million nga reward sa impormasyon nga makatudlo sa kun diin ang pugante nga si Ang.
Si Ang man subong ang ginakonsidera nga number 1 most wanted personality sa Pilipinas.
