ROXAS CITY – Plano ni City Councilor Midelo Ocampo nga magpatigayon sang imbestigasyon sa mga layaw nga ido sa syudad sang Roxas.
Suno kay Ocampo nga base sa nakuha sini nga datos sa Roxas City Police Station nga humalin sang Enero tubtob sang Hulyo nakapagkit sang 60 ka mga insidente bangud sa layaw nga ido.
Bangud diri, luyag ni Ocampo nga matutukan ang pagdata sang kaso sang mga nabiktima sang layaw nga ido sa dalanon.
Matandaan nga may ginpapasar na nga ordinansa ang tinalikdan nga konseho batuk sa stray dog apang wala lamang natutukan bangud wala sang natukod nga task force nga magatutok sa nasambit nga laye kag ang kakulangan man sang dog pound building.
Mahibaluan nga humalin sang nagpungko si Ocampo bilang konsehal sang syudad isa na ini sa iya mga ginatutukan agud mahatagan sang aksyon kag solusyon ang pagdata sang kaso sang mga layaw nga ido.
Samtang, base sa nakuha nga datos sang Bombo Radyo News Team nagalab-ot sa 16,522 ka mga ido ang nahatagan sang anti-rabies vaccine sandig sa rekord sang City Veterinarians Office mas mataas sang 91 porsyento kun ikumpara sang tinalikdan nga tuig 2018.
Sa karon ginatun-an na sang City council ang ginpapasar nga ordinansa kag plano agud mahatag sang solusyon ang nasambit nga problema.
