ROXAS CITY – Magatukod sang independent committee ang Roxas City Government agud matutukan ang pag-imbestiga natuhoy sa pagkarumpag sang porsyon sang Roxas City Riverside Promenade sa may bahin sang Washington St. Barangay VI sini nga syudad.
Sa press conference nga ginpatigayon sa pagpanguna ni Mayor Ronnie Dadivas kaupod ang OIC sang City Engineering Office nga si Engr. Antonio Amoroso, ginasiguro sang alkalde nga pananglitan matapos ang maid-id nga imbestigasyon maga-panabat ang responsable sa narumpag nga proyekto.
Nagapasalamat naman ang alkalde nga natabo ang insidente nga wala sang okasyon ang syudad kag wala sang napilasan sa pagkarumpag sang esplanade.
Mahibaluan nga gin-award sang city government ang nasambit nga proyekto sa MBM Construction sa balor nga P14,100,000 kag masobra 30% na diri ang nabayaran sang gobyerno.
