-- ADVERTISEMENT --
Maganubo sang gamay ang pamasahe sa eroplano matapos nga ginpanubo sang Civil Aeronautics Board ang fuel surcharge halin sa Level 18 pakadto sa Level 15 humalin Mayo 16 tubtob 31.
Bangud sini, mangin manubo ang surcharges sa domestic kag international flights kasunod sang pagnubo sang presyo sang jet fuel sa international market.
Suno sa International Air Transport Association, ang average nga presyo sang gatong sang jet fuel sa bug-os nga kalibutan nagnubo sang 10% sang nagligad nga mga semana.
Ginpahayag sang CAB nga padayon ang ila pagbantay sa paghulag sang presyo sang gatong, gani ginhimo sini ang evaluation sang fuel surcharge kada 15 ka adlaw agud mas madasig nga maka-adapt sa mga pagbag-o sa merkado.
