Nakibot ang isa ka employer sa Wenzhou City, China matapos matukiban nga ginatunto siya sang iya mga empleyado.
Suno sa report, bisan absent ang iya mga empleyado, nagakatingala ini nga may record sila sa facial recognition system sang kumpanya.
Nadiskubrehan sang employer paagi sa isa ka CCTV footage nga nagagamit sang maskara nga papel nga may nawong sang mga empleyado nga ma-recognize sang ila biometric agud makasweldo apisar wala nagasulod sa trabaho.
Ang makahalam-ot sa hitabo amo nga samtang nakabenepisyo sila sa teknolohiya sang facial recognition system, ang teknolohiya amo man ang magadakop sa ila.
Bangud sa sini nga buluhaton, madamo sang mga netizens ang nagkondenar sang ila ginbuhat, kag ginrekomenda ang pagpahalin sa ila sa trabaho, ilabi na subong nga madamo ang nagapangita sang obra.
