Nag-resign na si Coach Tab Baldwin bilang head coach sang Ateneo Blue Eagles, kag gilayon man ini nga ginbaton sang tagdumalahan sang Ateneo de Manila University.
Kasunod ini sang natabo nga trahedya sang Hunyo 8, 2026 sa Aurora kon sa diin duha ka team players ang nalumos sa tion sang team-building activity.
Magluwas kay Baldwin, nag-resign man ang team manager nga si Epok Quimpo bilang kabahin sang responsibilidad sa insidente.
Matandaan nga si Baldwin ang nagserbe nga coach sang Ateneo halin sang 2016 kag nakadala sang apat ka UAAP championships kag anom ka finals appearances, lakip na ang three-peat halin 2017 tubtob 2019.
Sa subong, nagapatigayon sang imbestigasyon ang Ateneo kag nagkalain-lain nga ahensya sang gobyerno agud mahibaluan ang responsibilidad kag kakulangan sa safety protocols.
Nahibaluan nga ang pagbiya ni Baldwin amo ang katapusan sang isa ka madinalag-on apang kontrobersyal nga panahon sa kasaysayan sang Ateneo Blue Eagles.
