Maisog nga ginhangkat ni Colombian President Gustavo Petro si US President Donald Trump nga “come and get me” matapos nga ginpahog siua nga isunod ini matapos ang pag-atake sa Venezuela nga nagresulta sa pag-aresto kay Venezuela President Nicolas Maduro kag First Lady Cilia Flores.
Ginpanindugan ni Petro nga indi siya pagpahugon kag hulaton niya sila kasunod sang hint ni Trump nga posible military action sa Colombia.
Ini Kasunod nga gin-akusahan ni Trump ang Presidente sang Colombia nga involved sa amo man nga narco-terrorism nga ginkaso kay Maduro kag ginaalegar nga may pabrika sang cocaine, isa ka alegasyon nga hugot nga ginpanghiwala ni Petro nga wala sang basehan.
Ginpahog man sang Colombian President si Trump nga handa ini liwat nga mag-uyat sang armas para sa ila pungsod.
Ginpanindugan man sang Colombian President nga sa tion nga isa sa ila grupo ang mabombahan nga wala sang bastante nga intelligence sa mga alegasyon batok sa iya, madamo nga kabataan ang mapatay, kag kun ang mga peasant mabombahan, linibo ka mga guirillas ang magabalik sa kabukiran.
Sa katapusan, ginhambalan ni Petro ang administrasyon ni Trump nga nagapakig-angot sila sa isa ka commander sang ila Pungsod kag ginpangayo ang iya bug-os kabuhi nga kahilwayan gikan sa Colombia.
