MANILA – Ginpahayag ni Commission on Elections (COMELEC) Chairman George Erwin Garcia nga yara na sa 95% ang kahandaan sang poll body pag-abot sa mga preparasyon para sa pinilay.
Suno kay Garcia nga tubtob subong, may mga ginatapos kag ginakay-o sila sa gihapon apisar nga isa ka semana na lamang kag eleksyon na.
Dugang pa ni COMELEC Chairman Garcia, sa pagpadayon sang Final Testing and Sealing (FTS) subong nga semana, wala pa suno diri sila sang nabalhag nga technical issue nga naeksperyensyahan sang mga electoral board members.
Wala man sang mga Automated Counting Machines (ACMs) nga wala nagbaton sang mga balota. Nahibaluan nga ang final testing and sealing ang magadugay tubtob Mayo 7.
Kaangut pa sini, ginalauman man subong nga semana nga matapos na ang distribution sang mga balota sa nagkalain-lain nga bahin sang pungsod bangud magasugod naman ini nga igapanagtag sa mga manunudlo para sa eleksyon.
