Ginkumpirmar sang lokal nga opisina sang Commission on Elections sa Bamban,Tarlac nga ila pagabatunon ang gin-file nga Certificate of Candidacy ni dismissed Bamban, Tarlac Mayor Alice Guo para sa iya nga re-election bilang alkalde.
Suno kay Bamban Comelec Officer Edmund Salvador, wala sila sang ideya kun matuod nga maga-file si Guo sang kandidatura sa pagka-alkalde para sa 2025 midterm elections.
Dugang pa sini, tubtob indi ini convicted sa mga kaso nga gin-file batul sa iya wala sila sang kinamatarong nga punggan ini sa pag-file sang kandidatura.
Sa pihak sang mga isyu nga ginapangatubang sang anay alkalde, ginsiling sang iya nga abogado nga maga-file ini sang kandidatura sa masunod nga semana.
Padayon suno sang iya nga kliyente ang nabilin nga mayoral position sa iya nga banwa.
Dugang pa ni Atty. Stephen David nga tawo na lamang sang Bamban ang magahusga kun matuod nga gusto pa ini sang mga ini.
