Nakahanda na ang Commission on Election (COMELEC) sa pagproklamar sang 12 ka nagdaug nga mga senador.
Suno kay COMELEC chairman George Garcia, ang nasambit nga proklamasyon pagahiwaton subong nga adlaw, Mayo 17 sa Tent City sang Manila Hotel alas 3:00 sang hapon.
Ang mga nagdaog nga kandidato ang pahanugutan nga magdala sang 10 tubtob 15 sang ila mga kaupdanan.
Hatagan man sang lima ka minutos ang tagsa ka kandidato agud magpasalamat sa mga nagsuporta sa ila.
Gindugang sini nga nagpadala na sang pormal nga imbitasyon ang National Board of Canvassers ukon NBOC sa 12 ka mga senador.
Madumduman nga sini nga Biernes, ginpagwa sang NBOC ang ginatawag nga “magic” nga 12 ka nagdaog nga mga senador.
Nagalakip ini sanday:
Christopher “Bong” Go may 27, 121,073 ka boto.
Bam Aquino – 20,971,899 ka boto
Ronald “Bato” Dela Rosa – 20,773,946 ka boto
Erwin Tulfo – 17, 118, 881 ka boto
Kiko Pangilinan- 15, 343, 229 ka boto
Rodante Marcoleta- 15, 250, 723 ka boto
Panfilo “Ping” Lacson – 15, 106, 111 ka boto
Vicente “Tito” Sotto III – 14,832,996 ka boto
Pia Cayetano – 14,573,430 ka boto
Camille Villar – 13,651,274 ka boto
Lito Lapid – 13,394,102 ka boto
Imee Marcos – 13,339,227 ka boto.
Hiwaton sa Lunes, Mayo 19 ang proklamasyon sang mga nagdaug nga Party-list groups.
