Comelec, magalunsar sang imbestigasyon sa mga pulitiko nga nagabaton sang campaign funds gikan sa mga kontraktor

Magalunsar sang imbestigasyon ang Commission on Elections ukon COMELEC sa mga donasyon halin sa mga kontraktor sang gobyerno sa mga kandidato.

Ini ang kasunod sang pagbuyagyag sang pila ka mga mamalidha nga may mga kandidato nga gin-alegar nakabaton sang campaign funds gikan sa presidente sang isa ka construction company.

Suno kay COMELEC Chairman George Garcia, tutukan sang imbestigasyon ang nasambit nga mga alegasyon kag igabase sa pagtuad sang pila ka mga opisyal.

Apang ginklaro sini nga nasaad sa Section 95 sang Omnibus Election Code nga manabat ang mga contributors ukon donors.

Nagalaum man si Garcia nga may magahatag sang mga dokumento agud makabulig sa imbestigasyon.