Magapatigayon sang Mall Voting sa palaabuton nga 2025 Midterms Elections ang Commission on Elections (COMELEC) sa isa ka mall sa Pueblo de Panay sa syudad sang Roxas.
Ini ang gin-anunsyo kag ginkumpirmar ni Atty. Rommel Benliro, Election Officer IV sang COMELEC, sa isa ka presscon nga ginhiwat sa Camp Apil, subong nga hapon, Oktubre 15, 2024, kaupod ang mga katapo sang Philippine National Police kag Philippine Army sa pagpasiguro sang seguridad sang tanan sa palaabuton nga election sa Mayo 12, 2025.
Dugang pa nga eksklusibo lamang sa Brgy. 10 ang amo nga venue sang pagboto sa rason nga ini ang ginakabig nga pinakamalapit nga barangay sa nasambit nga mall.
Magabukas man ang mall voting para sa mga PWD’s, Senior Citizens, kag nagabusong sandig man sa mandato sang Commission on Elections.
