Gin-umpisahan na sang Commission on Elections (Comelec) ang final stage sa evaluation sang Automated Counting Machines (ACMs) nga pagagamiton sa Mayo 12 nga eleksyon sa nagkalain-lain nga bahin sang pungsod.
Antes ang eleksyon, gintalana sang FTS ang Mayo 2 tubtob Mayo 7 para sa mga katapo sang electoral board nga magpatigayon sang ‘end-to-end’ test sang mga makina.
Una nga ginpatigayon ang FTS sa Pateros Elementary School, nga magluwas sa mga opisyales sang poll body, nasaksihan man sang mga citizens arms, poll watchers, foreign observers, kag journalists.
Pagkatapos sang FTS, ang mga ACM ang igaselyuhan kag igadeposito sa Office of the Department of Education Supervisor Official para sa safekeeping sang Philippine National Police (PNP) kag Armed Forces of the Philippines (AFP) tubtob sa adlaw sang eleksyon.
Ginpahayag ni Comelec Chairman George Erwin Garcia nga sa tion nga masulod na ang mga smart card sang mga katapo sang electoral board, maga-obra na ang mga makina.
Ginpakita man nga importante nga mag-agi anay sa initialization ang makina kun sa diin dapat mag-isyu ini sang resibo nga nagapakita nga wala sang unod ukon wala sang boto ang makina.
Sang ginsulod ang balota, ginbaton ini sang makina kag wala sang nakita nga malfunction; magluwas lang sa pag-jam sang papel.
Ginpahayag ni Garcia nga mas madasig subong ang FTS ipaanggid sa nagligad nga eleksyon bangud tuman ka user friendly ang ACM.
