Nagpatigayon sang Press Conference ang Commission on Elections (COMELEC) sa isa ka Hotel sa sini nga syudad.
Ginpangunahan ni COMELEC Chairman Hon. George Erwin M. Garcia, kaupod si DIR. Dennis l. Ayusan, Director IV-Red, Region VI COMELEC, kag Atty. Wil S. Arceno, ARED, Region VI / PES IV CAPIZ COMELEC ang nasambit nga aktibidad.
Ginpakigbahin ni Comelec Chairman Garcia ang mga preparasyon sang COMELEC sa palaabuton nga ELECTION 2025.
Pahayag sini, 100% nga sigurado nga matabo ang election kag indi na ini makansela pa.
Ginpakigbahin man ni Garcia nga mahimo na nga makaboto sa mga mall, nagpatuman man ang ini sang Internet Voting para sa mga OFWs, indi na kinahanglan pa nga personal ang mga ini nga mag-boto sa embahada, ang Certificate of Candidacy ka gang Statement of Contribution of Expenditures mahimo naman nga makita sang publiko pamaagi sa pag-post sa website sang COMELEC, ang Filing of Candidacy indi lang mahimo sa local COMELEC, mahimo naman sa mga malls sa pungsod.
Mahibaluan nga magasugod ang Filing of Candidacy umpisa Oktubre 1 tubtub Oktubre 8, 2024.
Panugyan ni Garcia, wala sang dapat ikabalaka pag-abot sa voting machines kay garantisado nga mga bag-o ini kag wala sang pagpalya kay equipped ini sang lithium-battery, kun mag blackout, padayon sa gihapon ang serbisyo sang voting machines.
Wala man sang dapat nga kabalak-an apisar nga magpalya ang machine kay may mga repair hub man nga ipagahamtang sa tagsa ka provincial area ang COMELEC.
