Pormal na nga ginlunsyar ang Committee on Kontra Bigay nga kabahin sang ginpasangkad nga programa sang Commission on Election subong nga adlaw sa Camp Apil, barangay Lanot, Roxas City.
Suno kay Atty. Salud Milagros Villanueva, Provincial Election Supervisor sang Comelec Capiz, ginpahayag nga ang Committee on Kontra Bigay ang ginakalakipan sang mga katapo sang Philippine Army, PNP, DOJ, DEPED, COA, Civil Service Commission, DSWD, NBI, PBCRB.
Dugang pa sini nga ang amu nga committe ang ginlunsyar agud nga matapna ang posible nga matabo nga vote buying kag vote selling sa probinsya sa tion sang eleksyon.
Mahibaluan nga pag abot naman sa mga luyag magpalab-ot sang reklamo hanungod sa nagakatabo nga vote buying ukon vote selling sa ila tagsa ka lugar mahimo nga makig-angut ini sila sa Comelec pamaagi sa pag fill up sang form online ukon sa talatapan sang Comelec.
