Composite team sang City Engineer’s Office pagasuguran ang istrikto nga pagpatuman sang sidewalk ordinance sa masunod nga semana

ROXAS CITY – Pagasuguran sang composite team sa masunod nga semana sa pagpanguna sang City Engineering Office ang istrikto nga pagpatuman sang  sidewalk ordinance nga sakup sa ginpapanug nga direktiba sang DILG nga road clearing operation 2.0.

Aminado si City Engineer Rosano Anisco nga wala mahatagan sang ngipon ang pagpatuman sang sidewalk ordinance.

Apang nagapati si Anisco nga tuman ka importante ang implementasyon sang sidewalk ordinance bangud dapat nga mahawanan ang mga dalanon sa mga nagabaligya kag naga-parked nga mga salakyan, sa diin wala na sang maagyan ang mga pumuluyo.

Bangud diri, hugot nga ipatuman sang composite team ang inspeksyon sa syudad sang Roxas.

Nahibaluan nga may multa ang sin-o man nga maglapas sa sidewalk ordinance.