Conclave, nakapili na sang bag-o nga Santo Papa

Napuno sang pagsinggit ang palibot sang Sistine chapel matapos nga nakita nila ang puti nga aso nga nagaguwa sa tsimenea sang kapilya.

Nagakahulugan ini nga may napili na ang 133 ka mga cardinal electors sang bag-o nga Santo Papa nga magabulos sa nagtaliwan nga si Pope Francis.

Sa amo man nga tion, ang mga kampanilya ginpatunog sa palibot sang Batikano.

Ini na ang ikatlo nga tion nga may ginpatigayon nga boto sa conclave kag nakuha nila ang two-thirds majority agud mapilian ang lider sang masobra 1.4 billion nga mga Katoliko sa bug-os nga kalibutan.