Nagsugod na ang conclave sa Vatican agud pilion ang kabaylo ni Pope Francis, nga nagtaliwan sadtong Abril 21, pinaagi sa pagboto sa Sistine Chapel.
Kinahanglan nga makuha sang isa ka kandidato ang duha sa tatlo ka bahin sang boto nagikan sa 133 cardinal electors agud mangin bag-o nga Santo Papa.
Kon wala sang mapilian nga papa makaligad ang tatlo ka adlaw, suspendido ang pagboto sa sulod sang 24 oras agud mahatagan sang tion ang mga cardinal nga magpamalandong.
Ang resulta sang tagsa ka hugnat sang pagboto igapahibalo pinaagi sa aso gikan sa tsimenea sang Sistine Chapel, itom nga aso kon wala sang mapilian kag puti nga aso kaupod ang pagtunog sang lingganay kon may yara sang bag-o nga Santo Papa.
Ang mga boto ginasulat sa papel, ginapilo, kag ginabutang sa isa ka pinasahi nga urna sa altar sang Sistine Chapel agod mahuptan ang pagkasekreto sang boto.
Kon wala sang santo papa nga mapilian pagkatapos sang 33-34 ka hugna sang pagboto (ginabanta 13 ka adlaw), may yara sang run-off vote sa tunga sang duha ka nagapanguna nga mga kandidato sa pagdeterminar sang masunod nga Papa.
