ROXAS CITY – Nakahanda nga magdepensa ang kongresista sa primero distrito sa tion nga pasakaan ini sang panumbungon sa nagluntad nga pagpangbakuna sa Barangay Balogo, banwa sang Pilar.
Sa interview sang Bombo Radyo kay Congressman Emmanuel “Tawi” Billones, Sr. suno diri nga may yara sang natabo nga koordinasyon sa Municipal Health Officer gani klaro nga may pagatigayunon nga vaccination program.
Dugang pa sini nga bangud isa ang Pilar sa may manubo nga compliance pag-abot sa vaccination program sang probinsya.
Bangud diri, nagtinguha ini nga mahatagan sang alokasyon ang amu nga banwa kag nakahinyo ini sa GRF agud madugangan ang porsyento sang mga mabakunahan sa probinsya.
Suno kay Billones, kun isa ini sa igareklamo sa Inter-Agency Task Force (IATF) nakahanda ini nga magdepensa kag sabton ang reklamo.
