Wala sang natabo nga meeting sa ila nga mga kongresista bag-o paman sila nagboto kag nagpirma sa impeachment complaint batuk kay VP. Sara Duterte.
Sa interview sang Bombo Radyo kay 1st District Congressman Emmanuel Tawi Billones Sr. nga wala sila ginpilit kag wala sang kabaylo ang ila pagpirma para ma–impeach si Sara.
Dugang pa ni Billones nga matapos basahon ang mga rason para ma-impeach ang bise presidente, naintindihan nila ang bug-at sang mga nahimo ni VP Sara kag sila tanan ang nagpirma diri para ma-indorse sa senado.
Suno pa kay Billones nga mangin ang ila cellphone ang ginpabilin danay sa ila opisina para indi maapektuhan ang ila desisyon sa pagboto kag pagpirma sa amo nga dokumento.
Pahayag ni Billones nga naintindihan sini ang mga rason kun ngaman nagdesisyon ini nga magpirma kaupod sang iban pa nga mga kongresista.
Sa karun, ginatugyan nalang sini sa senado ang pagtratar sang impeachment complaint sa bise presidente.
