ROXAS CITY -Ginahulat na lang sang pamunuan sang City Engineers Office nga aprubahan sa Sangguniang Panlungsod ang application sang G-Arabia Platinum Construction and Development Company para sa gin-apply sini nga “construction permit”.
Ini ang ginpahayag ni City Engineer Noel Laminares sang mainterview sang Bombo Radyo.
Ginpahayag ni Laminares nga nakumpleto na sang nasambit nga contractor ang tanan nga mga rekisitos nga ginarequire sa City Ordinance No.46-2016 para sa application sang construction permit.
Ginsumiter naman ini sa talapatan sang alkalde sang siyudad kag ginahulat na lamang kun aprubahan sang Sangguniang Panlungsod.
Samtang ginpanginwala naman ni Laminares nga may yara sang pinilian sa mga nagakuha sang construction permit sa nasambit nga talatapan.
Ginpahayag naman ni Laminares nga ang mga ginatumod ni Mr. Gin Arabia nga mga contractor nga nagapakaayo sang Roxas City Circumferential Road ang madugay na nga proyekto apang wala ini sang ideya kun ginsukot ini sang nagligad nga administrasyon sang ila mga construction permits.
