Construction worker ginbuno patay

ROXAS CITY – Patay ang isa ka construction worker matapos ginbuno sa Sitio Patag, Barangay Lawaan, sining syudad.

Nag-angkon sang pilas sa nawala nga bahin sang dughan ang biktima nga si Jason Barredo 23-anyos sang nasambit nga lugar.

Nagalakat ang biktima kaupod ang duha ka mga abyan matapos nga mag-inum sang hinali nga may nagpundo nga motorsiklo sa ila alagyan kag nakaangkon sang mainit nga pagdiskusyon ang biktima kag ang sakay sang motorsiklo.

Wala ginalauman nga may kutsilyo ang nakasakay sa motorsiklo kag gilayon nga ginbuno ang biktima.

Madasig nga nakapalagyo ang mga suspek matapos ang krimen.