ROXAS CITY – Padayon nga ginaayam sang mga kapulisan ang suspek sa pagpanglabo sa isa ka construction worker sa Barangay Mangoso, Sigma, Capiz.
Natabo ang insidente kahapon sang hapon, Abril 5.
Sandig sa impormasyon nagikan sa mga katapo sang Sigma MPS, ginkilala ang biktima kay Mark Tibal, 41-anyos, samtang ang suspek amu si Julito Falsario, 54-anyos nga lunsay mga residente sang nasambit nga lugar.
Suno sa mga kapulisan nga nagatindog ang biktima malapit sa waiting shed, sang naglabay ang hubog nga suspek, may bitbit nga binangon kag ginkumprontar ang biktima.
Hinali nga ginlabo sang suspek ang biktima kag naigu ini sa nawala nga kamot nga gilayon ginpadangat sa Mambusao District Hospital para sa pagbulong.
Nagaguwa sa imbestigasyon nga kahulugbon kag may daan nga hiligut-anon ang suspek kag biktima.
