Arestado ang isa ka lalaki sang mga otoridad ang isa panday nga may bitbit nga siyam ka pulgada sang balisong sa Barangay Loctugan, Roxas City.
Ginkilala ang suspek sa kay alyas “Earl”, 27-anyos, residente sang nasambit nga barangay
Sa impormasyon nga nakuha sang Bombo Radyo nagikan sa Roxas City Police Station, ginpahayag nga suno man sa mga katapo sang kapulisan sa Loctugan Police-Sub Station, gin-aresto ang nasambit nga suspetsado bangud nagapamahog ini sa ila nga lugar samtang nagabitbit sang patalom ukon balisong.
Nakumpiskar sa amo nga persona ang isa ka ginakabig nga deadly weapon, ginatawag nga balisong nga may kalabaon nga 9 inches.
Si alyas Earl ang ginapahayag naglapas sa Batas Pambansa (BP) Blg.6.
Samtang, gilayon naman nga ginturn-over sa Roxas City Police Station ang nakumpiskar nga balisong pati na si alyas Earl para sa nagakaigo nga disposisyon.
