-- ADVERTISEMENT --
ROXAS CITY – Nakahunong na sa karsel sang Roxas City PNP ang isa ka 44-anyos nga construction worker matapos nagtuga sang kinagamo sa Barangay Bolo, Roxas City.
Base sa inisyal nga imbestigasyon sang Roxas City PNP nga nagpalab-ot sang reklamo sa ila talatapan si Winefredo Baltero 75-anyos sang nasambit man nga lugar nga nagatuga sang kinagamo ang iya sini anak nga si Lorenzo Baltero 44-anyos sang nasambit man nga lugar sa diin may dala pa ini nga bolo.
Mahibaluan nga yara sa impluwensya sang makahulubog nga ilimnon si Baltero.
Bangud diri, ginpakamaayo na lamang nga iparekord sang tagreklamo sa pulisya ang insidente.
