Construction worker, patay matapos matambakan sang duta sa banwa sang panitan

ROXAS CITY – Dead on arrival ang 27-anyos nga construction worker matapos nga matambakan sang duta sa Brgy. Cogon banwa sang Panitan.

Ginkilala ang biktima kay Rodel Catalan Delfano, 27- anyos kag residente sang nasambit nga barangay.

Sa imbestigasyon ni PSSG. Dale Daliva, samtang naga-ubra ang biktima malapit sa concrete wall sang hinali na lang nga natiphag ang nabukid nga bahin sang duta kag natambakan ang biktima.

Masuwerte naman ang pakaisa kag kaupod sini sa trabaho nga si Jaydel Catalan Cayetano bangud nagtambak ang duta tubtob sa hawak lamang sini.

Gilayon nga ginpadangat ang biktima sa Bailan District Hospital apang gindeklarar ini nga dead on arrival takna 11:50 sang aga.

Sa karon, yara na sa isa ka punerarya ang bangkay sang biktima.