Construction worker, patay matapos nabungguan sang dump truck

Patay ang isa ka construction worker matapos nabungguan sang dump truck samtang nagamaneho sang motorsiklo sa National Road sang Brgy. Daragan, Buenavista, Guimaras.

Ang biktima amo si alyas Jeremie, 33-anyos kag residente sang Brgy. Piña, Buenavista, Guimaras.

Base sa imbestigasyon, nagamaneho sang iya motorsiklo ang biktima sang nasugata sini ang dump truck nga padulong sa Jordan Roro Wharf nga ginamaneho sang driver.

Gindala pa sa ang biktima sa Dr. Catalino Gallego Nava Medical Center apang gindeklarar nga dead on arrival.

Nahibaluan nga wala sang suksok nga helmet ang biktima sang nagluntad ang aksidente.

Samtang yara naman sa kustodiya sang kapulisan ang driver sang dump truck para sa nagakaigo nga disposiyon.