ROXAS CITY – Patay ang coordinator sang Bayan-Capiz matapos maaksidente ang ginsakyan nga Isuzu MUX sa Barangay Baybay, Roxas City.
Ginkilala ang biktima kay Kashmir Diestro, sang Maayon, Capiz.
Sa inisyal nga imbestigasyon sang Roxas City PNP sakay si Diestro sa nasambit nga salakyan nga ginamaneho ni Mark Abella kalakip ang ila duha pa ka mga kaupdanan nga sanday Ryan Baquilar kag Jayson Billones.
Wala natalupangdan sang driver nga likuon ang porsyon sang karsada kag wala ginalauman nabunggo ang salakyan sa isa ka lubi.
Bangud sa impact sang pagkabunggo, nagupi ang nauna nga porsyon sang salakyan.
Nag-angkon sang patal nga pilas sa ulo si Diestro nga gintunaan sang iya kamatayon.
Ginapatihan nga yara sa impluwensiya sang makahulubog nga ilimnon ang mga biktima.
