Gin-anunsyo sang mga organizer sang Miss Universe Philippines (MUPH) 2025 ang petsa sang ginabantayan nga coronation night nga pagahiwaton sa Mayo 2, 2025 nga magasugod takna alas-6 sang gab-i sa kilala nga mall sa Pasay City.
Samtang ang mga detalye angut sa pagbakal sang ticket ang ipaguha sa mga masunod nga adlaw, suno sa isa ka post sa social media sang MUPH sining Huwebes.
Sa karon ang edition sang MUPH ang ginlaragway bilang ‘Puksuan’ bangud sa mga previous queens nga nagpasakop kag ginapahayag nga mga mayad.
Magluwas sa mga bag-o nga itsura, kalakip sa karon nga batch ang mga batikan nga beauty queens kasubong ni Reina Hispanoamericana 2017 Winwyn Marquez, Miss Earth Air 2023 Yllana Aduana, Miss International 2018 first runner-up Athisa Manalo, kag anay Binibining Pilipinas Globe Chelsea Fernandez.
Samtang pagapangunahan naman ni anay 2013 Miss Universe 3rd Runner up Ariela Arida ang MUPH 2025 bilang bag-o nga appoint nga national director nga nagbulos kay Shamcey Supsup.
Ginatutukan na sang mga tagasuporta ang palaabuton nga kahiwatan, kag mataas ang mga iginalauman para sa exciting nga kompetisyon sang kilala nga beauty pageant sa kalibutan.
