Nag-issue sang freeze order ang Court of Appeals sa 379 ka mga bank accounts sa 55 ka mga real estate properties kag entities nga naangot sa ghost flood control project.
Ini ang sandig sa pahayag sang Anti-Money Laundering Council (AMLC).
Suno sa AMLC, ang kabug-osan nga balor sang frozen assets ang may kaangtanan sa flood control scandal nga naglab-ot sa P24.7 billion kag ini ang ginalakipan sang bank accounts, insurance policies, motor vehicles, air assets, real properties, e-wallet accounts, securities accounts kag investment accounts.
Ang nasambit nga numero ang ginalauman nga magataas samtang nga nagapadayon pa ang imbestigasyon sang AMLC sa mga assets nga sakop sang freeze order.
Pahayag pa sang AMLC, ang mga assets nga nakumpiska ang natukiban nga may kaangtanan sa paglapas sa Anti-Graft and Corrupt Practices Act sa idalom sang Republic Act ukon R.A. No. 3019, amo man ang Malversation of Public Funds sa idalom sang Article 217 sang Revised Penal Code.
